Ministeri: Kim Jong-nam naalliulluni toquvoq

Korea Avannarliup siuttuata qatanngutaa Kim Jong-nam toqunartumik ulorianarluinnartumik, VX-imik, tagiarneqarami minutsit 15-it 20-lluunniit qaangiuttut toqusimavoq.

Naalliulluni toqusoq, Malaysiap peqqissutsimut ministeria tusagassiortunik sapaammi katersortitsilluni oqarpoq.

AAMMA ATUARUK Korea avannarlermiu sianiutinut toqunartumik inuartarineqartoq

VX kemi atorlugu sakkussiaavoq toqunartoq ulorianarluinnartoq. Inuup ataatsip kuseriarninnguaq toqqutigisinnaavaa.

AAMMA ATUARUK 630 koruuninik akilerneqarluni Jong-namimik toqutsisoq

Sianiutinut toqunartup sinnikui angutip Korea Avannarlermeersup toqutaasup, isaanit kiinaanillu misiligutissatut tiguneqartuni nassaarineqarput. 

- Nakorsiartarfimmi ilisimajunnaarpoq ambulancemilu toqulluni, peqqissutsimut ministeri, Sathasivam Subramaniam, oqarpoq.

/ritzau/AFP