Assi: Simon Uldum

Minik Rosingip oqaluttuaatai atuakkiarineqartut

Ujarassiuutut professori Minik Rosing qanittukkut 60-iliivoq, oqaluttuaataalu atuakkiarineqarlutik maanna saqqummersinneqarput.

Minik Rosingip ukiut ingerlanerini oqaluttuarisartagai arlalissuit atuakkamut "Fortællinger af Minik Rosing"-imut (Minik Rosingip oqaluttuaatai, aaqq.) ikinngutaanit katersorneqarsimapput.

Atuakkanik naqiterisitsisarfik Tupaarnaq aamma atuakkiortut Tupaarnaq Rosing Olsen Morten Meldgaardilu atuakkamik suliarinnittuupput. Atuagaq Minik Rosingip misigisimasaanik tusartarsimasaanillu taallianik oqaluttualianillu assigiinngitsunik imaqarpoq.

Nunarput, Issittoq, pinngortitaq inuillu pillugit oqaluttuat.

Minik Rosing ilisimatuussutsikkut paasisaminik nersorniarneqarsimanermi saniatigut aamma oqaluttuallaqqissutut ilisimaneqarpoq.

Taamaammat oqaluttuarpassuaateqarnera tupaallannartuunngilaq. Immaqa oqaluttuarisarsimasaata katersorneqarlutillu allattorneqarsinnaasimanerat tupaallannarneruvoq.

Minik Rosing aviisimit Politikenimit ilaatigut Jørn Rielimut assersuunneqarpoq, aviisillu atuakkamik naliliinermini ullorissanit arfinilinnit tallimanik tunivaa.

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!