Las Vegasimi saassussisoqarmat inuit 50-init amerlanerusut toqupput

Las Vegasimi USA-mi unnuaq aallaasersortoqarmat inuppassuit eqqorneqarput, Las Vegasip qiterpasissuani The Stripimi tusarnaartitsisoqarnerata nalaani aallaasersortoqarami.

Angut aallaasilisartoq politiinit unitsinneqarsimasoq, Las Vegasimi politiit Twitterikkut allaaseraat.

Angut pineqartoq akunnittarfiit ilaata inaanit eqqarsimasoq nalunaarutigineqarpoq, toqutaasullu ikinnerpaamik 50-iusut, ikilerneqartullu ikinnerpaamik 200-juusut Las Vegasimi napparsimmaviit ilaasa oqaaseqartitaat oqarpoq.

Inuit hunnorujulikkaat Mandalay Bay Hotel Casinomiillu tusarnaartitsiffiusup nalaanit qimarrattut videoliarineqarsimasut takuneqarsinnaavoq.

Eqqarasuartaat eqqaassinermi atorneqartoq tv-qarfissuup CNN-ip allaaseraa.