Mexicomi nunap sajunnerani 200-t sinnerlugit ajunaartut
Mexicop qiterpasissuani marlunngormat unnukkut nunap najunnerani inuit 216-it ajunaarsimasutut nalunaarutigineqarput.
Mexicomi upalungaarsimasuutitat pisortaat Twitterikkut ullaaq manna taama ilisimatitsivoq.
Illoqarfiit pingaarnersaanni Mexico Citymi ajunaartut amerlanerpaapput, inuit 86-it ajunaarsimasutut maannamut nalunaarutigineqarsimallutik.
Taakku ilarpassui meeraapput, Mexicomi Citymi atuarfiammi isasoorutigineqartumi ajunaartut.
Illoqarfiit pingaarnersaanni inuppassualimmi illorpassuit aseruatitersimapput allallu isasoorsimallutik.
Illoqarfissuup borgmesteriata oqaatigaa illoqarfissuarmi illut ikinnerpaamik 44-t nunap sajunnerani aseruatitersimasut.
Illut isasoorutigineqartut ilaat tassaapput inissiaqarfissuit arlallit, atuarfik, suliffissuaq niuertarfissuarlu.
Nunap sajunnerani, richterip uuttuutaa malillugu 7,1-imik sakkortussuseqartumi, inuit tuusintilippassuit paatsiveerullutik aqqusinernut qimarrassimapput.
Nunap sajunnera marlunngornermi pisoq Mexicomi nunap sajunnerisa sakkortuut qaammat una pisut aapparaat.
/ritzau/Reuters