Trump Mette Frederiksenip oqaaseqaataa "ajuippoq"

Tassami Kalaallit Nunaata pisiarineqarsinnaanera pillugu Mette Frederiksenip oqaaseqaataa “oqallinnerluunniit pisariaqanngitsoq” USA'p præsidentiata "ajuissuunnerarpaa", tuluttoorlugu "nasty", AFP allappoq.

Præsidentip pisortatigoortumik Danmarkimut septembarip aappaani pingajuanilu tikeraarnissani taamaatereerlugulu oqarpoq.  

Præsidentip Kalaallit Nunaata pisiarinissaanik eqqarsarnera ministeriunermit “oqallisigineqartariaqanngitsumilluunniit” itigartinneqareersorlu pisortatigoortumik tikeraarnissap taamaatiinnarnissaa aalajangerneqarpoq.

- Kim Kielsenip suaarutigereerpaa Kalaallit Nunaat nioqqutaanngitsoq taava tassa, oqallinnerluunniit pisariaqanngilaq,  Mette Frederiksen oqarpoq.

Kalaallit Nunaata pisiarinissaanik pilersaaruteqarneq “isumassarsiaannaasoq” USAlu ataqqisariaqartoq Reuters naapertorlugu  Donald Trump pingasunngornermi oqarpoq.