Assi: Flickr.com / European People's Party

Tyskland: Merkelip kinguariarnera qinersinermi uppernarsarneqartoq

Tysklandimi qinersinerup inernerata takutippaa, Angela Merkel ukiuni tulliuttuni sisamani kansleritut ingerlaqqissinnaanngortoq, taamaattoq parteerisaani nuannannissamut tunngavissaqarpallaanngilaq.

Forbundskansler Angela Merkelip kristendemokratit CDU aamma partii suleqataa CSU sapaammi qinersinermi 33 procentinik taaguunneqarput.

Socialdemokratit SPD 20,5 procentinik taaguunneqartut, EU-mut nunasinianullu akerliusut partiiat (AFD) 12,6 procentinik taaguunneqarpoq.

Qinersinermi inernerit qinersivinni 299-imeersut kisinneqarnerisa tamanna takutippaat.

Partii saamerliusoq Die Linke 9,2 procentinik taaguunneqarpoq, Qorsuillu 8,9 procentinik taaguunneqarlutik.

Taamaattoqarneratigullu naalakkersuisooqatigiit CDU/CSU aamma SPD isasoorput, naak partiit taakku pingasut suli amerlanerussuteqaraluartut.

FDP aamma Qorsuit Merkelip taamaalilluni naalakkersuisooqatigiinni siunissami suleqatigisussanngorpasippai.

"Naalakkersuisooqatigiit Jamaica", tyskit tusagassiorfii sapaammi unnukkut taama allapput. Partiit qalipaataat matumani innersuussutigaat. Qernertoq tassaavoq Merkelip suleqatigiivi CDU/CSU, sungaartuullutik FDP qalipaallu qorsuk Qorsunnut. Qalipaatit taakku Jamaicap erfalasuata qalipaatigai.

Merkel partiit siuttuisa sapaammi unnukkut tv-kkut apeqqarissaarneqarnerini ikinnerussuteqarluni naalakkersuisooqatigiinnissamik takorluugaqarnerluni aperineqarami, akivoq naalakkersuisooqatigiinnik allanngorartuunngitsunik pilersitsinissani kissaatigalugu.

/ritzau/dpa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!