TYSKLAND Merkel Schulzilu kinguariangaatsiarput

Partiit Tysklandimi naalakkersuisuutitaqartut inatsisartuni qinersinermi ataatsimut isigalugu kinguariarput.

Konservatiivit CDU-t, socialdemokratillu SPD-t qinersinermut kingullermut naleqqiullugu kinguariangaatsiarput, CDU 33 procentinit, SPD-lu 21 procentinit taaguunneqarsimassangatinneqarlutik. Missiliuutit siulliit tamanna takutippaa.

Maanna forbundskanslerip Angela Merkelip partiimi qinersinermi ajugaasimanera unnummanna suaarutigaa, nutaanillu naalakkersuisunngortitsisussanngorluni. Taamaattoq qinersinermi angusarissaarpallaannginnini nassuerutigaa:

- Ikinngutikka, pitsaanerusumik angusaqarnissarput soorunami kissaatigigaluarparput, parteeqatini ilaatigut oqarfigai.

Socialdemokratit aamma ajuusaarput. SPD Martin Schulz siuttoralugu aamma kinguariarput:

- Ulloq manna SPD-mut pitsaavallaanngilaq, Martin Schulz unnummut taama oqaripoq.

SPD, Angela Merkelip partiianik CDU-mik naalakkersuisoqatigiissitaqaraluarpoq, tamannali maanna unittoq Schultzip oqaatigaa.

Partii inuiaqatigiissutsimik pingaartitsisoq Alternative für Deutschland, AfD, 13,5 procentinit taaguunneqarluni Tysklandimi inatsisartunut isertitaqassaaq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!