Merkel G7-ikkut ataatsimeereerneranni: Tatigeqatigiissinnaajunnaariartorpugut

Piffimmi Tuluit Nunaata EU-mit ilaasortaajunnaalernerani, Donald Trumpillu USA-mi præsidentiunerani, Europap siunissani nammineerluni isumagisariaqarpaa.

Tysklandip kansleria, Angela Merkel, nunat aningaasarsiorfiusut anginerit arfineq-marluk, G7-imik taaneqartartut ataatsimeersuarneranni peqataareerluni nunaminut sapaatiummat utertoq taama isumaqarpoq.

Inaarutaasumik oqaaseqaat nalinginnaasuunngitsoq

Tysklandip Europallu sinnerata Tuluit Nunannut USA-mullu attaveqarluaannarniarsarisariaqaraluarlutik siunissartik namminneerlutik isumagisariaqaraat, Merkel qinersisartunik Münchenimi ataatsimiititsinermi oqarpoq.

- Piffik tatigeqatigiilluinnarfiusinnaasoq naajartulerpoq. Tamanna ulluni kingullerni misigaara.

- Uagut europamiuusugut siunissarput namminneerluta isumagisariaqavipparput, kansleri oqarpoq.

Nunat G7-imik taaneqartartut ataatsimeersuarnerannit inaarutaasumik oqaaseqaat nalinginnaasuunngilaq. USA-mi sinnerlugu præsident Donald Trump peqataavoq, taannalu silap pissusia pillugu Parisimi isumaqatigiissummut tapersersuinianngikkallarpoq.

AAMMA ATUARUK G7-kkut Parisimi isumaqatigiissut pillugu isumaqatigiinngitsut

    /ritzau/AFP