Meeqqat qimaasut Europamut anngunniarsarisut atornerlunneqartartut

Nakuuserfigineqanngikkunik, pinngitsaalisaassummik sulisinneqartarput, kinguaassiuutitigulluunniit atornerlunneqartarlutik.

Naalagaaffiit Peqatigiit meeqqanut suliniaqatigiiffiat Unicef, Qimaasullu nunarsuaq tamakkerlugu qullersaqarfiat IOM, nalunaarusiami ullumi saqqummersinneqartumi taama inerniliipput.

Nutaarsiassaqartitsiviit nunanit tamalaaneersut tamanna allaaseraat.

Pingaartumik meeqqat inuusuttullu Afrikami Saharamit kujammut nunanit assigiinngitsuneersut, ammit qalipaataannik assigiinngisitsisoqarnera aallaavigigunarlugu arlaatigut atornerlunneqartartut nalunaarusiami allaaserineqarpoq.

Qimaasut 22.000-it, taakkunannga meeqqat inuusuttullu 11.000-it missaat, Naalagaaffiit Peqatigiit suliniaqatigiivi marluk taakku misissorsimavaat.

/ritzau/