Meeqqat illersuisuat Tasiilamit ikioqqusunik saaffigineqartarpoq
- Tasiilamit meeqqanit ingerlanerliortunit inersimasuniillu isumakuluuteqartunik imaluunniit ikiortissaqanngitsunik amerlanerusunik saaffigineqartarpugut Meeqqat Illersuisuat Aviâja Egede Lynge oqarpoq.
Kommuneqarfik Sermersuup Namminersorlutillu Oqartussat tunumi illoqarfiit anginersaanni inuuniarnikkut ajornartorsiutit unammilligassallu qaangerniarlugit suleqatigiinnissamik nalunaaruteqarnerat, Meeqqat Illersuisuata tusagassiuutinut nalunaruteqarluni qisuariarfigaa.
Aamma atuaruk Tasiilami meeqqat affaat atugarliortuupput
Meeqqat illersuisuata eqqaasitsissutigaa 2016 Meeqqat Ukiorigaat suliassaqarfiillu tamarmik iliuuseqarnissaat, suleqatigiinnissaat meeqqanillu pisariaqartitsisunik ikiuinissaat pingaaruteqartoq oqaatigalugu.
Aviâja Egede Lyngep tikkuarpaa, meeqqanut iliuusissanik ungasinnerusoq eqqarsaatigalugu pilersaarusiortoqartariaqartoq.
Meeqqat Illersuisuata Tunumukarnissani 2017-ip ukiaani pilersaarutigaa.