VIDEO Meeqqat Ikiortigit: Kalaallit Nunaat qujanaq

Tupaallaqqapput qujamasullutillu. Peqatigiiffik 'Meeqqat Ikiortigit' arfininngormat katersuiniarmat millioni missaanik katersorneqarput tamannalu aaqqissuisunit nuannaarutigineqarpoq.

Allattoq Pipaluk Høegh

novembarip 04-at 2015 16:27

Nuna tamakkerlugu KNR TV-kkut arfininngormat katersuiniarput.

Aamma atuaruk 50.000 koruunit KNR-imut akiliutigineqassapput

Qaammatillu arfineq-pingasut piareersaatit assigiinngitsut ulapputigaat, aningaasallu isertinneqartut naammagisimaarpaat.

- Tupaallaatigisorujusussuuvarput taama amerlatigisut isertissimagatsigit siarnguttullu taama aamma amerlatigisimammata, Meeqqat Ikiortigit siulittaasuat, Ruth Montgomery-Andersen KNR-imut oqarpoq.

Aamma atuaruk Katersuiniarnermi 1 millionit koruunit sinnerlugit katersorneqarput

Suliffeqarfiit aamma katersuiniarnermut tapersersuipput.

Aningaasat katersuiniarnermi isertinneqartut - meeqqat angerlarsimaffiup avataanut inissinneqarsimasut atugarisaat pitsaanerulersinnissaannut suliniummut - atorneqassapput.

Aamma atuaruk Meeqqat Ikiortigit nuna tamakkerlugu katersuiniarneq 31.10.2015

Meeqqat angajoqqaaminni najugaqarunnaarsimasut, angajoqqaatillu nuannersumik misigisaqartittarnissaannut suliniuteqarnermi piareersaatinut aningaasat atorneqassapput.

- Qujarusuppugut nuanneqaaq.

- Kalaallit Nunaanniittunut tamanut uunga tapersersuisimanerannut qujarusuppugut, Ruth Montomery-Andersen oqarpoq