Meeqqat eqqaamallugit - aamma Meeqqat Ulluanni
Meeqqat ulluannut atatillugu Meeqqat Illersuisuata Aviâja Egede Lyngep meeqqat inuusuttullu 18-it inorlugit ukiullit aperisimavai, Meeqqat Illersuisuugaluarunik qanoq inersimasunut oqarusussagaluarnersut.
Meeqqat Illersuisuat tusagassiuutinut taama nalunaaruteqarpoq.
Oqariartuutit apuunneqarsimasut ilaat allanngortinnagit ima issuarneqarput:
”Ua oqarfigissagaluarpakka meeqqat angerlarsimaffeqanngitsut ikiorniarsigit, siunissaqarlutinukua inunngornikut, kommuni taama ingasappaluttartigisut ilissi iliuuseqarniaritsi."
”Meeqqat angerlarsimaffiup avataanut inissikkunnaarniarsigit iluaqutissartaqanngilaq angajoqqaajususi asanninnermik pakkunneqarnissaminnillu amigaateqarneri akueralugit qaa pakkutaarniarsigit! Siunissaanik aqqutissiuullugillu ajornartorsiorpata oqaloqatigisigit imaluunniit oqaloqateqarnissaannik innersuussigit. Ullutsinni kommuni iluaqutaajunnaariartorpoq meeqqasi isiginerulaarsigit paasinialaarsigit suut atorfissaqartinneraat kommuni aqqutigiunnaarlugu!”
Issuaaneq naavoq.
Meeqqanit inuusuttunillu matumani oqariartuutigineqartut meeqqaniit inuusuttuniillu inersimasunut apuunneqarusuttut tusarneqarluassasut Meeqqat Illersuisuata neriuutigaa.
Meeqqat Illersuisuat meeqqat mikinerit meeqqat ulluanni Nuummi juunip aallaqqaataani ullaakkut pisoqatigissavai, meeqqallu napparsimasut SANA-mi pulaassallugit.
