Meeqqat atuarfiat tuluttut qallunaatullu ilinniartitsiniarnermi unammilligaqaqaaq
asianni meeqqat atuarfianni Gammeqarfimmi taamatut ilinniartitsisisinnaasuniik ujartuileruttorput.
- Ukioq manna augustimi annonceq maani Gammeqarfimmi sulisussarsiornitsinnut tassani atorfissaqartillugit faagit taakku marluk iliniartitsisumik ujarlerpugut atorfinitsitassatsinnik, Gammeqarfimmi pisortaq Sara Brandt taama oqarpoq.
Ilinniarfissuarmi ilinniartut amerlanerpaat kalaallisut oqaaseqavittuupput. Taamaammat oqaatsit allat ilinniaritsissutigilernissaat unammerlernartuutinneqartut, Ilinniarfissuarmi pisortaq Britta Lohmann oqarpoq.
Ilinniartitsisunngorniat qallunaatut tuluttullu immikkut ilinniartitsissutigisassatut toqqaasut amerlanerunissaat ilinniarfissuarmi manna suliniutigineqarpoq.
Iliniartitsisutut naammassereersimasunut aamma taama neqeroorfigineqartut, Lohmann oqarpoq.
AAMMA ATUARUK Folkeskolen mangler lærere
Aasianni Gammeqarfimmi sungiusaammik sulisoqartillugu, taakkua qallunaatut tuluttullu ilinniartitsisuulernissamiut ilinniarnisaannik kaammattortaraat, pisortaq oqarpoq.
- Ilinniartitsisunngorniartoqartillugu taanna kissaateqarfigisarpara maani Gammeqarfimmi oqariartorfigilaarlugit Gammeqarfimmi faagini sorlerni atuartitsissutinik ilinniarsimasunik amigaateqarnerput, Sara Brandt taama oqarpoq.
Aasianni Gammeqarfimmi pisortap oqaatigaattaaq atuakkanik pisoqqanik eqqaanikuullutik tuluttut qallunaatulu ilinniartitseriaaseq nutarterneqarnissaat anguniarlugu.
