Meeqqanut aallakaatitassiat KNRip suliarinnittussarsiorpai

Aallakaatitassiortut avataaneersut KNR-ip TV-kkut radiokkullu 2013-imi aallakaatittagaannut aallakaatitassiassatut siunnersuuteqarnissamut KNR-ip periarfissinniarpai. KNR-ip Nutarsaavianit taama allapput. Piumasaqaatit takukkit.

KNR TV aallakaatitassiamut nangeqattaartumut "Nunatsinnit"-mut aallakaatitassianik pissarserusuppoq, saaffiginiakkallu tassaallutik 20-nit 45-nut ukiullit.

Ataasiakkaanik aallakaatitassiornissamut periarfissaqassaaq, aallakaatitassialli arlallit pillugit suleqatigiinnissamik aamma isumaqatigiissusiortoqarsinnaassalluni.

Meeqqalli nuannersunik ilikkagaqarfiulluartunillu aliikkutassianik nangeqattaartunik assigiinngitsunik marlunnik aallakaatitassiorfigineqarnissaat KNR-ip aamma ujartorpaa.

Meeqqanut aallakaatitassiat taakku marluk saaffigisassaat tassaassapput meeqqat pingasunit arfinilinnut ukiullit, meeqqallu arfineq-marlunniit aqqaneq-marlunnut ukiullit.

Meeqqanut aallakaatitassiat taakku marluk tamarmik immikkut 27 minutsinik sivisussuseqassapput, aallakaatitassiallu amerlassusaannut, aallakaatitassiortup avataaneersup aallakaatitassiassatut siunnersuutigisaa apeqqutaassaaq.

- KNR-ip Kalaallit Nunaanni aallakaatitassiortut avataaneersut siuarsaavigerusuppai. Aallakaatitassiortarnerput allanngortiternikuuarput, taamaalilluta 2,5 millionit koruunit nalingisa missaannut 2013-imi aallakaatitassianik suliariumannittussarsiorsinnaalerluta, KNR-imi pisortap tullia, TV-milu aallakaatitassiornermut pisortaq, Jan Berg oqarpoq.

Aallakaatitassiassatut siunnersuut aallakaatitassiap imarisaanik sukumiisumik nassuiaaserneqarsimassaaq, piffissamut pilersaarusioreerlugu missingersuusiorfigereerlugulu.

Aallakaatitassiassanik suliaqarnissamut piumasaqaatit aajuku: http://www.knr.gl/kl/aallakaatitassiortut-avataaneersut

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!