Mayip sillimaniarneq appartikkaa
Tuluit nunaanni sillimaniarneq apparneqarpoq. Tassalu peqqarniisaarniartoqaqqinnissaa ilimagineqartorujussuuvoq, pisussaasutulli naatsorsuutigineqarunnaarluni.
Allattoq Ritzau
maajip 27-at 2017 15:06
Nutserisoq Ivik Kristiansen
Tuluit Nunaanni sillimaniarneq sakkortuumiit ilungersunartumut arfininngormat apparneqarpoq. TV-qarfik Sky News naapertorlugu ministeriuneq, Theresa May, Twitterikkut taama nalunaaruteqarpoq.
Manchesterimi tusarnaartitsisarfissuarmi imminut pilliutigiitigaluni ataasinngormat qaartartumeerisoqarmat, inuillu 22-t toqutaammata, sillimaniarneq qaffanneqarpoq.
Sakkutuut sillimaniarnerup qaffanneqarneranut atatillugu aqqusinernukartinneqartut ataasinngorpat unnuaqeqqaniit aqqusinerniitinneqarunnaariartussapput.
May naapertorlugu Tuluit Nunaanni politiit akunnerni kingullerni 24-ni sulerujussuarsimanerata malitsigisaanik sillimaniarneq apparneqarpoq. Reuters taama allaaserisaqarpoq.
/ritzau/
