Martin Møllerip 2018-imi OL-eqataanissani siunnerfigaa

Inuttaata tusagassiuutinut nammineq nalunaarutaani tamanna atuarneqarsinnaavoq.

Ukiuunerani 23-ssaa tamatumuuna OL-ertoqassaaq, Korea Kujallermi Pyeongchangimi ukiuunerani OL-ertoqassagami.

- Eqqarsaatigilluareerlugu aalajangerpunga piffissara nukikkalu OL 2018-imut piareersarninnut atorniarlugit.

- OL 2014-imut pimoorussinerma ueritippaanga. Takorusuppara ukiut arlaqartut tamakkiisumik sungiusarnerup qanoq angusatigut pitsanngortissinnaaneraanga, Martin Møller ilaatigut allappoq.

Sotjimi ukiuunerani OL-ertoqarmat Martin Møllerip isorartussutsit assigiinngitsut, soorlu 1,8 kilometeri, 15 kilometeri marloriarlugu 50 kilometerillu ilaatigut peqataaffigai.

Arctic Winter Games 2016-ip allaffeqarfiani unippoq
OL-imut tullermut timersornikkut tunniussinnaasani qaffasinnerusumik angusaqarnermik kinguneqarsinnaasut, Martin Møllerip upperaa:

- Taamaammat aalajangerpunga Arctic Winter Games 2016-ip allaffeqarfiani atorfiga unitsinniarlugu.

- AWG2016-imi suleqatit peqatigalugit piffissaq pissanganartoq peqataaffigaara, kisiannili sisoraatinik ujakkaartartutut siunnerfiga piffissamik annertuumik atuiffiussaaq, taamalu AWG2016-imi suliannut ataqatigiissikkuminaalluni.

- Taamaammat toqqaasariaqarpunga, sisoraatinillu ujakkaarneq toqqarpara, Martin Møller, AWG2016-ip allaffeqarfiani oktobarip qiteqqunnissaata tungaanut suligallartussaasoq, oqarpoq.