Assi: Ane Storgaard Carlsen/Danmarks Skiforbund

Martin Møller VM-ilinnginnermi napparsimasimasoq

Martin Møller VM-ip ulluni makkunani ingerlanneqalersup aallartinnginnerani napparsimasimalluni KNR-imut oqaluttuaraa.

Kalaaleq ujakkaartartoq Martin Møller VM-imi unammeqataavoq. Unamminerlu siulleq Finlandimi Lahtimi ukioq manna ingerlanneqartumi sisamanngornermi aallarnerneqarpat unammeqataassaaq. Piareersarnerili pitsaanerpaasimanngillat.

- Sapaatip akunnerata siuliani sisamanngornermili napparsimanera peqqutigalugu ujakkaanngilannga. Soorunami tamanna pitsaanngilaq, Martin Møller KNR-imut oqarpoq.

Napparsimajunnaareerlunilu oqilaniulluni unamminerit aallartinneranni peqataassaaq.

- Peqqittorujussuartut misigaanga, sulili sungiusanngilanga, Martin Møller oqarpoq.

AAMMA ATUARUK Martin Møller ujakkaarluni GM-ertoqarnerani unammeqqaarnermi ajugaavoq

Martin Møller unamminerni allani klassiskini 15 kilometerimik 50 kilometerimillu aamma unammineqataassaaq, 30 kilometerimillu unamminissaq ’immaqa’ peqataaffigisassatut allassimavoq.

Martinip klassiskimik 15 kilometerimik unammineq 2018-imi Vinter OL-eqarnissaanut piukkunnarsaatitut pingaarnerpaatut erseqqissaatigaa.

- Angusaqarluarnissannulli periarfissagissaarfiginerpaasara 50 kilometerimik isorartutigisumik unamminissamiippoq, Martin Møller oqarpoq.

Martin Møller Estlandimi World Cup-ertoqarnerani sapaatip akunnerata naanerani qaangiuttumi peqataasussaagaluarluni napparsimanini peqqutigalugu peqataanngiinnarsimavoq.

AAMMA ATUARUK Martin Møller DM-imit sisamanik kuultiuserluni angerlarpoq

 

 

 

Isummersuutit

Inatsisartuni Nivi Olsen

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!