TIMERSORNEQ Martin Møller OL-eqarnissaanut annguppoq
Kalaaleq ujakkaartartoq, Martin Møller Korea Kujallermi Pyeongchangimi februarimi OL-ertoqarnissaanut peqataasussanngorpoq.
Allattoq Karsten Sommer
Italiami Toblachimi World Cupimik arfininngornermi unamminermi, Martin Møller normu 79-nngorpoq, taamaalilluni Martin Møllerip OL-imut februaarimi peqataanissaminut pointit piumasaqaataasut anguvai.
Naalagaaffeqatigiinnermi Martin Møller kisiartaagallarluni OL-mut maannamut marloriarluni annguppoq.
Martin Møller Sochimi 2014-imi OL-imi aamma peqataavoq, taamanikkullu unammeqataagami Danmark sinnerlugu peqataavoq, nunarput OL-imut peqataatitsinissamut pisinnaatitaaffeqanngimmat.