VIDEO Marsi pillugu ilisimatusartut tupermi ukiisut
Ilisimatusartut arfinillit ukioq ilivitsoq misileraanermut peqataareerlutik tupermit anillammata inuppassuarnit ilassineqarlutillu nerisassaqartinneqarluarput.
Misileraanermut peqataasut imilertakkanik nerisaqarnerusimapput, tuperlu qimappiartarsimanngilaat, qimassagaangamikkulu avataarsualiartartut atisaannik atisalersoqqaartariaqarsimapput.
Tupermi misileraanermi NASA-p Hawaiimilu ilisimatusarfiup suleqatigiissutigisaanni Marsimi siunissami ukiisoqassagaluarpat tamanna inunnut qanoq sunniuteqassanersoq ilisimatusarfigineqarpoq.
AP/RITZAU