Marokkomioq Canadamut nunasiniaq Qaqortumi tigusarineqarpoq

Angut Marokkominngaaneersoq umiarsuarmi takornariartaammi Qaqortumi politiinit ullaaq tigusarineqarpoq, bilitseqarani umiarsuarmut ilaasoq.
Rigspolitiet
Angut Marokkomioq Canadamut nunasiniarluni umiarsuarmi takornariartaammut biltseqarani Bergenimi ikisimasoq, Qaqortumi politiinit tigusarineqarpoq Assi © : Rigspolitiet
Allattoq Kenneth Elkjær
septembarip 26-at 2016 16:48
Nutserisoq Jaaku Lyberth

Angut Marokkomioq umiarsuarmut takornariartaammut ikisimavoq, Norgemi Bergenimi, tassanngaanniit Canadamut ingerlaqqinniarsimavoq tassani qimaasutut qinnuteqarniarluni.

Taamatulli takorluugaqarnera ataasinngornermi ullaakkut taamaatinneqarpoq, tassami umiarsuaq takornariartaat Qaqortumut tikimmat angut marokkumioq Qaqortumi politiit tigusagaraat

Taama  KNR-imut oqaluttuarpoq kujataani  politiit pisortarigallagaat Laila Fleischer.

-  Umiarsuup takornariartaatip suleqatigisatta ataasinngornermi ullaakkut attaveqarfigaatigut, tamatumalu kingorna politiit umiarsuarmut takornariartaammukartippagut angut Marokkomioq tigusariniassamassuk.  Tigusarinninneq eqqissisimasumik pivoq, Laila Fleischer oqarpoq.

Kujataani politiit pisortaata oqaluttuaraa angut Marokkomioq tigusarineqartoq 1999-mi inunngortuusoq aqqullu siulleq atorlugu Norgemut utertinneqarumaartoq,

Umiarsuaq takornariartaat Qaqortumit ualimut aallaarpoq.