Assi: Nils Baum/Bureau for Inatsisartut

Marlunnik qinigaaffillit Inatsisartut unittoortissinnaagaat

Inatsisartut upernaakkut ataatsimiinneranni ilaasortat affaat Inatsisartunut ilaasortaanermik saniatigut politikkikkut allamik atuuffeqassapput.

Inatsisartunummi ilaasortani 31-usuni 16-it kommunalbestyrelsinut qinigaasut, Inatsisartut siulittaasuat, Lars-Emil Johansen, ataatsimiinnermik ammaanermini oqaluttarfimmit oqarpoq.

Inatsisartullu pillugit inatsit naapertorlugu ilaasortat ikinnerpaamik affaat aatsaat najuuppata aalajangiisoqarsinnaammat, marlunnik qinigaaffeqartorpassuaqarnera unammillernarsinnaavoq.

AAMMA ATUARUK Politikere uenige om dobbeltmandater

Taamaammat kommunalbestyrelsit Inatsisartullu ataatsikkoorlutik ataatsimiittassanersut eqqumaffigineqarnissaa Lars-Emil Johansenip neriuutigaa.

AAMMA ATUARUK Kommuninni qinersineq ima inerneqarpoq

- Manna periarfissaq atorlugu oqaatigissavara, neriuutigeqigakku qinnutigissallugulu Kalaallit Nunaanni kommunalbestyrelsit tamarmik ataatsikkut ataatsimiinngisaannassasut. Taamaat-toqassappat, Inatsisartut ataatsimiinnerisa nalaani tamanna pippat, Inatsisartut sulinerat unittoortinneqassammat. Aalajangiisinnaassuseq 16-iummat, taamaattumik ilagut 16-it kommunalbestyrelsinut ilaasortanngorsimammata taakkua tamarmik ataatsikkut kommunalbestyrelsini ataatsimiittassanngitsut kissaatigissavara, Inatsisartut siulittaasuat, Lars-Emil Johansen, taama oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!