Manninnik ulorianartunik nunatsinni tuniniaanngillat

Manniit pillugit mamianartuliaq Europami oqallisigineqangaatsiarpoq, manniit millionilikkaat akoorutissamik toqunartumik akoqalersimanerat oqallisigineqangaatsiarluni.

Nunatsinni pisiniarfiit manninnik tamakkuninnga maannamut nioqquteqanngitsut, KNR-ip paasiniaarnerani paasinarsivoq.

Manniit millionilikkaat akoorutissamik sulliniiaammik inerteqqutaasumik serpartarneqarsimasut paasineqarpoq, nunallu soorlu Schweiz Hong Kongilu eqqorneqarsimapput, EU-milu nunat 15-it, Danmark taakkununnga ilaallutik. EU Kommissioni taama ilisimatitsivoq.

Sulliniiaat inerteqqutigineqartoq, inunnullu ulorianartoq Fibronil pineqarpoq. Sulliniiaat taanna kumaajaatitut pississaartuiaatitullu atorneqartarpoq.

Sulliniiaat tartunut, tingummut qinersimullu ajoqutaasinnaavoq.

Manninnik sulliniiaammik pineqartumik serpartarneqarsimasunik nunatsinni nioqquteqartoqaratarsinnaaneranut aarlerinartoqanngitsoq, KNR-ip Pisiffimmut, Pilersuisumut Brugsenimullu paasiniaanerata takutippaa.

Manniimmi pineqartut atugassanik pisiniarfinni nioqqutigineqanngitsut pisiniarfiit ilisimatitsissutigaat.

Manniit pillugit Europami mamianartuliaq pissutaalluni, EU-p peqqinnissamut inuussutissanillu nakkutilliisoqarfiata kommissæria ullumi tallimanngornermi ataatsimiigiaqqusivoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!