Politikki Inuussutissarsiutit

VIDEO Maniitsup eqqaani aluminiumik aatsitsiviliornissaq unitsinneqarallartoq

<p>NUTARTIGAQ Maniitsup eqqaani aluminiumik aatsitsiviliornissaq Namminersorlutik Oqartussat unitsikkallarpaat. Taama nalunaaruteqarpoq inuussutissarsiornermut naalakkersuisoq Vittus Qujaukitsoq, Alcoa, Qeqqata Kommunia aamma Naalakkersuisut Maniitsumi innuttaasunik ataatsimiititsinerinut atatillugu.</p>

Allattoq Inge S. Rasmussen, Jaaku Lyberth

aggustip 25-at 2015 04:48

Aluminiumik aatsitsiviliornissamut pilersaarut ukiut qulit ingerlasimasoq maanna unitsinneqarallarpoq.

Tamatumunnga pissutaavoq nunarsuarmi aluminiup akia appariartormat tamannalu Alcoamut ilungersunartumik inissisimalersitsimmat, Vittus Qujaukitsoq KNR-imut taama oqarpoq.

Inuussutissarsiornermut, Suliffeqarnermut Niuernermullu Naalakkersuisoqarfimmit tusagassiutinut nalunaarummi maana aluminiumik niuerneq piffissaanngitsoq aalajangersumik oqaatigineqarpoq.

- Innuttaasunik ataatsimiisitsinermi aluminiup nunarsuaq tamakkerlugu niuerutiginissaanut inissisimaneq Alcoa-mit saqqummiunneqarpoq. Ukiut 2008 – 2015 ingerlanerini aluminiup akia 47 %-inik appariarsimavoq, maannakkullu niueqatigiinneq eqqarsaatigalugu aluminiumik aatsitsiviliornissaq erngullu nukinganik nukissiorfiliornissat ukiuni aggersuni qanoq pisussaaneri neriunarfigineqarsinnaanngitsutut oqaatigineqarput.

Vittus Qujaukitsup erseqqissaatigaa Maniitsup eqqaani erngup nukinganik nukissiorfiliornissamut Namminersorlutik Oqartussat Alcoalu suleqatigiinnerat ingerlaannassasoq. Aningaasaliisussarsioqatigiinniarlutik isumaqatigiipput.

Aamma atuaruk Aluminiumik aatsitsiviliortoqassanersoq nalunaarutigineqassaaq

- Namminersorlutik Oqartussat aamma Alcoap akornanni erngup nukinganik nukissiorfiliornissamut tatsit atorneqartussat ammaassiffigineqartussaammata, aningaasaleerusuttunut allanut ujaasinitsinni paasisssutissat tunniunneqarsinnaasussaapput, inuussutissarsiornermut naalakkersuisoq Vittus Qujaukitsoq KNR-imit apersorneqarluni taama oqarpoq.