Maniitsumi ukioq manna håndboldskole ullumi aallartissaaq
Ilaasortat ilaasortanngorusuttullu peqataasinnaasut siusinnnerusukkut nalunaarutigineqarpoq, Kattuffimmiilli piumaffigineqarneq naapertorlugu tamanut ammasumik Maniitsup timersortarfiani håndboldskolertitsisoqassasoq maanna nalunaarutigineqarpoq.
Ilitsersuisut sisamat Nuumminngaanniit tikisinneqarput Nunatsinnilu assammik arsarnermi ilisimaneqarluarlutik, ilaatigut nunatsinni pissartaallutik.
Sungiusaasussat tassaapput: Miki A. Heilmann, Nuka Bilo Heilmann kiisalu Andrea Andreassen Najaaja Lyberthilu.
Assammik arsarnerup saniatigut immikkut paasisitsiniaasoqassaaq, qulequttat assigiinngitsut, soorlu timersortartutut inooriaaseq, nerisaqarneq Qeqqatalu Kommuniata ilaqutariinnermik inerisaavianit aamma paasisitsiniaasoqassalluni.
Håndboldskole 2016 tassa ullumi sisamanngornermi aggustip ulluisa 25-anni aallartissaaq, sapaatiuppallu 28-ata tungaanut ingerlassalluni.