Ritzau Avatangiisit

Maersk Nunatta kitaani uuliasiorniarunnaarpoq

Uuliap akikinnera peqqutigalugu Maersk Oilip Nunatta kitaani uuliasiornissamut akuersissutini utertippaa. Tassalu nunatta kitaani uuliasiornissaq maannakkut ilimanarunnaariartorpasippoq.

Allattoq Ritzau

maajip 26-at 2016 11:41

Nutserisoq Ivik Kristiansen

Maersk Oilip, uuliasiortitseqatigiillu pingasut allat uuliasiornissamik akuersissutitik ukiortaami atorunnaarpata Namminersorlutik Oqartussanut utertinniarpaat.

- Uuliap akikinnera pissutigalugu, Maersk Oilip Baffin Bugtenimi akuersissutini 2016-imi atorunnaarpata nutarterniarunnaarpaa, uuliasiortitseqatigiiffik e-mailimik allappoq.

Aamma atuaruk Uuliasioqatigiiffiit Kitaata imartaanit qimarrattut

Maersk Oil Nunatta kitaani uuliasiorluni suli qillerinngilaq, aallarnisaataasunilli misissuereerluni.

Uuliasiortitseqatigiifffiit sisamat akuersissutimik utertinnissamik aalajangernerat, Nunatta kitaani uuliasiornissamik pilersaarutit takorluugaannasutut malunnarsiartorput.

Aamma Dong Energy, norskillu uuliasiortitseqatigiiffiat, Statoil Nunatta kitaani uuliasiornissamut akuersissutitik utertippaat, Issittumi uulisiornissap akisuvallaarnera ajornarneralu innersuussutigalugu.

Pissutsit Alaskami aamma taamaapput. Tasamani uuliasiornissamut akuersissutit 80 procentii utertinneqareerput.

/ritzau/