Münchenimi politeeq arnaq aallaatittoq
Tysklandimi illoqarfiup Münchenip eqqaani qimuttuitsut unittarfiata eqqaanni aallaasersortoqarmat inuit arlaqartut eqqorneqarput, eqqugaasunut ilaavoq politeeq arnaq.
Allattoq Ritzau
juunip 13-at 2017 07:12
Nutserisoq Jaaku Lyberth
Aallaasersortutut pasineqartoq tigusarineqareersoq, Münchenimi politiit uppernarsarpaat.
Tyskit politiitivi immikkut sungiusakkat amerlasuut Münchenimi qimuttuitsut unittarfiannut aallaasersorfiusumut marlunngornermi ullaakkut ornigupput.
- Politeeq arnaq annertuumik ikilerneqarpoq, Münchenimi politiit attaveqaqatigiittarfimmi Twitterimi taama allapput.
Angut aallaasersortoq aamma ikilerneqarsimavoq.
Politiit isumaqarput aallaasersortoq kisimiittoq.
Aallaasersorneq peqqarniisaarnianut attuumassuteqanngitsoq Münchenimi politeeq Munchenimi radioqarfiit ilaannut taama oqarpoq.
/ritzau/
