KNR KNR-i ullumimiit aasaanerani aallakaatitsisalerpoq
Qanoruumi nutaarsiassat aallakaatinneqarnerat ulluinnarni unnuit tamaasa nalunaaqutaq arfineq marlunut minutsinik qulinik sivisussuseqartut aallakaatinneqartassapput.
Radioaviisimi nutaarsiassat ulluinnarni akunnikkaartumik ullaakkut arfineq marluniit ataatsip tungaanut aallakaatinneqartassapput, ullup qeqqanut radioaviisi sivisunerusoq unnukkut arfinermut aallakaateqqinneqartassalluni.
Radioaviisi sapaatip akunnerata naanerani allannguuteqassanngilaq, tassa nalunaaqutaq pingasunut arfinermullu radioaviiseqartassagami.
Tamakku saniatigut nittartagarput KNR.gl aasaq naallugu nutaarsiassaateqartassaaq.
- Radiukkut, tv-mi nittartakkamilu nutaarsiassat innuttaasut aasaq naallugu malinnaavigisinnaassavaat. Aasaanerani sulinngiffeqarnerup nalaani pilersaarutit annertupput, nutaarsiassanut pisortaq Mikkel Bjarnø Lund taama oqarpoq.
Qanorooq Radioaviisilu aggustip 17-ianni tamakkiisumik aallakaatinneqartaqqilissapput.