Lutherip tunngavilersorlugit isummiussai 2017-imi ukiunik 500-nngortorsiutigineqarput
Lutherip tunngavilersorlugit isummiussani Tysklandimi illoqarfiit ilaanni Wittenbergimi illussaarsuup oqaluffiata isaariaani taamanikkut nivinngarpai.
Iluarsaaqqittoqarpoq naaggaartuunerlu taamanikkut eqqunneqarluni, ilagiit katuullit taamanikkut illuatungilerneqarlutik, iluarsaaqqittoqarnissaalu ilagiit katuullit taamanikkut kissaatigimmassuk.
Kunngikkormiut ilaatigut peqataaffigisaannik tamanna Københavnimi Christiansborgimi Landstingssalimi malunnartinniarneqassaaq, akunnerup ataatsip missaanni sivisutigisumik aliikkusersuinertalimmik oqalugiarnermillu malunnartinneqassalluni.
Katuuliussuseq Danmarkimi 1536-mi qimanneqarpoq, innuttaasullu naaggaartunngorlutik. Hans Egedelu qallunaatsiaat krisumiunngorteqqinniarlugit 1721-mi Nunatsinnukarpoq, qallunaatsiaammi 1400-kkunnili taamanikkut attaveqarfigineqarsimanngillat, sulilu katuuliusorineqarlutik.
Qallunaatsiaanilli siumuinngilaq, akerlianillu kalaallinut ajoqersuivoq, naaggaartuunerlu Kalaallit Nunaannut eqqullugu.
