Politikki

Lund Olsen Isumalioqatigiissitap allaffeqarfiani pisortanngortoq

Namminiilivinnermut, Nunanut allanut Nunalerinermullu Naalakkersuisoqarfiup Johan Lund Olsen, Isumalioqatigiissitap allaffeqarfiata pisortatut atorfinitsippaa, Atorfininnissamut ataatsimiititami ilaasortanit tamanit Tunngaviusumillu Inatsisissaq pillugu Isumalioqatigiissitamit tamanna aamma isumaqataaffigineqarluni.
Assi © : Anton Gundersen Lihn, KNR
Allattoq Mads Lynge
juulip 20-at 2017 09:27

Naalakkersuisut nittartagaanni tamanna atuarneqarsinnaavoq.

Johan Lund Olsen socialrådgiveritut ilinniarsimasuuvoq, Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoqarfimmit immikkoortortami pisortaasimalluni.

Johan Lund Olsen tunngaviusumik inatsisilerinermut tunngasunik, inuiaallu inatsisitigut inissisimaneri pillugit ilisimasaqarluartuuvoq.

Assersuutigalugu Namminersorneq Pillugu Isumalioqatigiissitami ukioq 2000-imit 2003-p tungaanut ilaasortaavoq, Namminersornerlu pillugu kalaallit qallunaallu Isumalioqatigiissitaanni ukioq 2005-imit 2008-p tungaanut aamma ilaasortaalluni.

- Isumalioqatigiissitani marlunni sulinera nuannarisimavara. Taamaattumik qilanaaqaanga Tunngaviusumik Inatsisissaq pillugu Isumalioqatigiissitap allaffeqarfiani pisortaaffigisassanni ilisimasakka piginnaasakkalu atorsinnaassagakkit, Johan Lund Olsen oqarpoq.

AAMMA ATUARUK Tunngaviusumik inatsit akisusinnaasoq

 

AAMMA ATUARUK Isumalioqatigiissitap siulittaasua periarfissamik ammaassisoq

 

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq