Londonimi qimuttuitsut nunap ataatigoortut unittarfianni qaartoqartoq
Londonimi qimuttuitsut nunap ataatigoortut unittarfianni qaartoqarsimasoq, nutaarsiassaqartitsiviup Reutersip allaaseraa. Ambulancet qimuttuitsut unittarfiannut Parsons Green Stationimukartinneqarsimapput.
Aviisi The Mirror allappoq qimuttuitsunut ilaasut amerlasuut ikiligaalutillu uutitersimasut. Aviisi naapertorlugu puujunngikkuni siparni qaarsimavoq.
Qaartoqarnera nal. 8.15 missaani pisimasoq, The Mirror allappoq.
Politiinit oqaatigineqarpoq qimuttuitsut Earls Courtip Wimbledonillu akornanni ingerlaarnerat tamarmi unitsinneqartoq.
- Pisoq misissuiffigaarput. Politiit anngutereerput, Londonimi politiit Twitterikkut taama allapput.
Arnaq qimuttuitsut unittarfianiissimasoq oqaluttuarpoq inuit uiverlutik unittarfimmit qimarrannerini ikiligaasimalluni.
/ritzau/Reuters
