Lidegaardip USA peqquaa Pituffiup kiffartuunneqarnissaanik isumaqatigiissut unitseqqullugu
Danskit nunanut allanut tunngasunut ministeriata amerikamiut peqquai Pituffik pillugu kiffartuussinissamik isumaqatigiissut unitseqqullugu.
- Tassunga atatillugu USA-p, Kalaallit Nunaata Danmarkillu akornanni aaqqiissutissamik nassaartoqarnissaata tungaanut USA-p sakkutooqarfiata suliariumannittussarsiuussinermut suliaq unitsikkallassagaa kaammattuutigaara, Martin Lidegaard finans.dk-mut taama oqarpoq.
Peqatigisaanik nunanut allanut tunngasunut ministerip folketingimut ilaasortat, danskit naalakkersuisui avaqqullugit amerlanerussuteqartut, suliariumannittussarsiuussinerup unitsinneqarnissaanik piumasaqartut allaffigisimavai. Ministeri allakkamini allappoq, Danmarkip USA-llu akornanni ingerlatseqatigiiffimmut tunngatillugu aaqqiagiinngissuteqaraluartut, USA-p nunat pineqartut akornanni illersornissamik isumaqatigiissutaasup malittariaqaraa.
Aammattaaq naqissuserpaa, Pituffimmi sakkutooqarfimmi kiffartuussinissamik isumaqatigiissummik pissarsiaqartoq, Exelis Service A/S, isumaqatigiissummi tunngaviusumut (Danmarkip Kalaallit Nunaatalu USA-mut isumaqatigiissutaannut, aaqq.) naapertuutinngitsoq.