Radikalet folketingimi ilaasortaatitaasa oqaaseqartartussatik toqqaqqammerpaat. Martin Lidegaard pingaarutilinnut tunngasunik oqaaseqartartunngorpoq.
Nunatsinnut Savalimmiunullu tunngasunik oqaaseqartuunermi saniatigut parti sinnerlugu oqaaseqartartuuffigissallugit aningaasaqarneq, akileraarutit, nunanut allanut tunngasunut politikki aamma illersornissamut politikki.
Radikaletillu folketingemi ilaasortaatitaasa siulittaasup tullerilerpaa ilisimatusarnermut ilinniartitaanermullu ministeriusimasoq Sofie Casten Nielsen peqatigalugu.
Politikkikkut siulersuisoq Morten Østergaard Radikalet ilaasortaatitaasa siulittaasorissavaat partiilu folketingep nunanut allanut tunngasutigut ataatsimiittartoqatigiivini aallartitarissavaat.
