Lennert Mortensen: Aqutsineq pingaaruteqartuassaaq
- Sumilluunniit tuniniaasuugaluaraanni aqutsineq pingaaruteqartuassaaq, Air Greenlandimi siulersuisuni siulittaasutut Naalakkersuisunit toqqarneqartoq Søren Lennert Mortensen oqarpoq.
Air Greenlandip ataatsimeersuarnerani Namminersorlutik Oqartussat sinnerlugit siulersuisuni ilaasortat marluk Naalakkersuisunit taarserneqarmata, ilaasortanngortinneqartut Søren Lennert Mortensen aamma Bodil Marie Damgaard siulersuisuniinnissaminnut suut piginnaasarineraat, Transparency International Greenlandip tamanut saqqummiuteqqullugu kissaateqarpoq.
Aamma atuaruk Naalakkersuisut siulersuisunut ilaasortanik toqqaanertik itisilerusunngilaat
Naalakkersuisut siulersuisunut ilaasortanik toqqaanertik KNR-imut itisilerumanngilaat, siulersuisunulli siulittaasunngorlaap Søren Lennert Mortensenip nammineerluni oqaluttuaraa, inuussutissarsiornikkut misilittagaqarluarami toqqarneqarluni.
- Kalaallit Nunaanni misilittagaqarluarpunga inuussutissarsiornikkullu misilittagaqarluarlunga. Misilittakkakkalu malillugit sumiluunniit tuniniaasuugaluaraanni aqutsineq pingaaruteqartuassaaq.
Aamma atuaruk Siulersuisunut siulittaasoq: Sinneqartooruteqarfiunnginneq asuleernerussaaq
Søren Lennert Mortensenip siuliani siulittaasuusimasutulli timmisartortitseqatigiiffinni misilittagaqannginnini nassuerutigaa, tamannali aporfiussanngitsoq neriorsuivoq.
- Sulianut tunngasunut ilisimasaqanngilluinnarpunga, siulersuisunili suleqateqarpunga timmisartuussinermut sulianik ilisimasaqarluartunik misilittagaqartunillu, taava aamma pikkorissunik suliffeqarfimmi aqutsisoqarpugut tamatuminnga naammassinnittussanik.
Aamma atuaruk Siulersuisut toqqarneqarnerannut tunngavilersuutit Transparencymit paaserusunneqarput
Timmisartortitseqatigiiffik siulittaasortaaq naapertorlugu pitsaasumik ingerlanneqareermat, suliassani maniguulluni upassallugit Air Greenlandimi siulersuisuni siulittaasoq neriorsuivoq.