Lars-Emil Johansen rigshospitalimut unitsinneqartoq
Inatsisartut siullittasoqarfia allappoq Inatsisartut Siulittaasuat suliamut atatillugu angalanermini ullumikkut uummamminik misissuivigineqarluni rigshospitalimut unitsinneqarsimavoq, ajunngilarli.
Allattoq Jaaku Lyberth
Inatsisartut Siulittaasuat Lars-Emil Johansen suliamut atatillugu angalanermini Københavnimi napparsimavissuarmut rigshospitalimut unitsinneqarpoq uummatimigut misissuivigineqartussaalluni, Inatsisartut allattoqarfiat naatsumik tusagassiuutinut nalunaaruteqarluni taama allapoq. Lars-Emil Johansen ajunngitsoq inatsisartut tusagassiuutinut nalunaarumminni taama allapput.