VIDEO Laila prinsesse Mariemit pulaarneqartoq

Prinsesse Marie ulluni makkunani Nuummiipppoq, tikeraarnerminilu pisassarpassuaqarpoq. Paaqqinniffimmut Uulinermut pingasunngornermi pulaarpoq.

Prinsesse Uulinerminngaanniit anigami assut nuannaarpasippoq. Uulineq tassaavoq meeqqanut, inuusuttunut inersimasunullu autismertunut ulloq unnuarlu paaqqinniffiusoq.

Laila Nielsen Uulinermi najugaqartoq, prinsessemut naasunik tunniussinissaminut qilanaarsimavoq.

- Prinsessep takunissaa qilanaarisimaqaara, siniffinni issiavoq oqaloqatigiillutalu, naasunik tunniussisoq oqarpoq. Laila kunngeqarnermut pingaartitsisuuvoq, kunngikkormiullu ilaqutariit aqqi tamarmik eqqaamasinnaavai.

Nuummik nuannarinnittoq

Prinsesse Marie Uulinermi pulaareerluni nuannaaqisoq KNR-ip naammattoorpaa:

- Kusanassusaa takuuk, prinsesse Sermitsiamut tikkiarluni oqarpoq.

- Pulaarneq nuannersorujussuuvoq, meeqqat paarineqarluarput, tamanna takullugu nuanneqaaq, prinsesse Marie naggasiilluni oqarpoq.

Prinsesse Marie marlunngormamiit tallimanngorpat tungaanut Nuummiissaaq kingornalu Danmarkimut angerlaqqissalluni.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!