Folketingimut qinersineq 2015 Lars Løkke amerlanerussuteqarnissamut iluatitsinngilaq

Naalakkersuisunik ikinnerussuteqartunik Lars Løkke Rasmussen misiliiniarpoq. Dronningemik oqaloqateqarnissaq avaqqunneqarsinnaanngilaq.

Allattoq Jaaku Lyberth, Peter Bye Andersen

juunip 21-at 2015 16:55

Lars Løkke Rasmussen amerlanerussuteqarluni naalakkersuisunngortitsiniarnini taamaatippaa, tassaa Venstret, Dansk Folkeparti, Liberal Alliance kiisalu Konservatiivit isumaqatiginniarneri iluatsinngimmmata.

Tamanna Christiansborgemi sapaammi ualikkut nalunaarutigaa.

Partiit talerperliit saamerliillu akimorlugit naalakkersuisunngortitsinissaaq Venstret siulittaasuata kissaatigaa.

Aamma atuaruk Aaja aamma Aleqa Lars Løkkemik oqaloqateqarput

Partiit folketingemi ilaasortaatitaqartut tamaasa oqaloqatigaakka, amerlanerussuteqarlunilu naalakkersuisunngortitsiniarneq pisinnaanngitsoq inerniliuppara.

Partiit talerperliit saamerliillu akimorlutik suleqatigiissinnanertik orniginartinnerugaat malunnarpoq,

amerlanerussuteqarlunilu naalakkersuisunngortitsisoqassappat politikkikut periarfissat annikitsut atorneqartariaqassapput, Lars Løkke Rasmussen oqarpoq.

Aamma atuaruk Lars Løkke isumaqatiginninniartussanngorpoq

Ikinnerussuteqarluni naalakkersuisunngortitsinissamut Lars Løkke Rasmussen misiliisussangorpoq. Tamatuma kingunerisussanngorpaa Lars Løkke Rasmussen dronningemik oqaloqateqqittussanngormat

Naalakkersuisunngortitsiniarluni oqaloqatigiinnerit aqagu aallarteqqittusanngorput, Lars Løkke Rasmussenilu ataqqinartorsuarmut dronngemukassaaq, naalakkersuisunngortitsiniarlunilu isumaqatigiiniartussamik toqqaassalluni.