AWG2016 Kuulti, sølvi bronzelu: Ujaminnattortarpassuavut uani takukkit

Rekordinuku qaangerniagassat, timersortartuvullu inuusuttut Nuummi Arctic Winter Gameseqarnerani taamaaliorput. Ujamit 633-it ullut tallimat ingerlaneranni tunniussorneqartut taakkunannga Nunarput 81-nik ujaminnappoq.

Fairbanksimi ukiut marluk matuma siorna ujaminnattatsinnik rekorderput 18-nik anguarput.

Taakkunannga 39-t kuultiupput, kuultinnattanilu Alaska uatsinnut naleqqiullugu kisimi siuttuuvoq, amerikamili naalagaaffiup peqataatitai katillugit ujammit 171-it pissarsiaraat, taakkunannga 83-it kuultiullutik. Normu 3-tut inissisimasoq tassaavoq Alberta North, 29-nik kuultinnattoq.

Unammisartortatta inuusuttut kuultit 39-t, sølvit 23-t bronzellu 19-it pissarsiarereerpaat.

Nunaqqativut nerrivimmi arsaararnermi aqqaneq-marloriarlutik ajugaapput. Ivik Nielsen, Avi Rødgaard aamma Oscar Hammeken sisamanik ujaminnapput – iligiikkuutaarnermi ataaseq, marlukkuutaarnermi marluk ataasiakkaarnermilu ataaseq. Snowboardtertartoq Jonas Strømsted pingasunik kuultinnappoq, unammiuarnerit sisamat peqataaffigisai ajugaaffigai. 

Ukaleq Slettemark sisoraaserluni ooqattaasarnermi pingasunik kuultinnaappoq, taamatuttaarlu nerrivimmi arsaarartartut Inngili Petersen aamma Melissa Larsen. Sulorartartut Nuka Mark Nielsen Pilunnguaq Hegelundilu aamma pingasunik kuultinnapput.

Sisorartartoq Qooqu Chemnitz Berthelsen aamma Tonny Fisker, inuit pinnguaataannik unammisartoq, aamma marlunnik kuultinnapput. Taamatuttaaq nerrivimmi arsaarartartut Poul Petersen aamma Nuka-Maren Frederiksen, kiisalu sulorartartut Milka Brønlund aamma Cecilia Josefsen Josenius snowboardtertartorlu Anthon Siegstad.

Bent Jakobsen inuit pinnguaataanni alaskamiusut qummut isimmeriarnermi kuultinnappoq, Nadja Olsen pakassumminnermi kuultinnalluni, Tittu Willelu timmisartornermi aamma kuultinnappoq. Sulorartartut Toke Ketwa-Driefer, Miinannguaq Søholm Petersen aamma Victor Langholz aamma kuultinnapput.

Ullorlu kingulleq ujakkaartartoq Bjerne Herbert Hansen kuultinnalluni. Taamatuttaaq futsalimi juniorini nukappiaqqani, angutillu sisamat nukittuut eqqillit pinnguaataanni napparummik ajattaanermi, Suulut Geisler, Edvard Kruse, Jens Jørgen Lange aamma Minik Møller Platou. 

Kalaallit sølvinnattut allattorsimaffiat:

Kalaallit brozennattut allattorsimaffiat:

 

 

Isummersuutit