Kunuunnguup inuusuttuunera atuakkiarineqarpoq

Ilisimasassarsiortoq Knud Rasmussen, Kununnguaq, kikkunnit tamanit ilisimaneqarpoq, meeraanerali inuusuttuuneralu annerusumik ilisimasaqarfigineqarani. Knud Rasmussenilli meeraanera inuusuttuuneralu pillugu qallunaap atuakkiortup Knud Michelsenip atuakkiareqqammerpaa.

Allattoq Mads Lynge

aggustip 29-at 2011 08:37

Allakkat assigiinngitsut tusarfiillu allat tunuliaqutaralugit taassuma atuakkiaa "Den unge Knud Rasmussen" saqqummersinneqaqqammerpoq.

Kununnguup atuartuunera, ikinngutai, aapparisimasai, tusagassiuutinilu aallutaqarniarsimanera, Knud Michelsenip atuakkiamini oqaluttuarai.

Inuup ataatsip inuunerata oqaluttuarisaanera pineqarani, Knud Rasmussen pillugu allaaserisat atuakkiami saqqummersinniarneqarput. Aviisilu Kristeligt Dagblad naapertorlugu atuakkiaq pisariusimaqaaq. Atuakkiortoq nersualaarneqarpoq, paasissutissarpassuit atuakkiami paasinarsisinneqarsimanerat ilaatigut nersualaarneqarluni.

Knud Michelsen, Kununnguaq, Knud Rasmussen pillugu aappassaa atuakkiorpoq, "Jeg vil ikke dø for et skuldertræk", kalaallisut suli saqqummersinneqarnikuunngitsoq aamma atuakkiaralugu.

Knud Michelsen, Knud Rasmussen pillugu suli atuakkiussamaartoq aamma ilisimatitsissutigineqarpoq.

Kunuunnguup inuusuttuunera atuakkiarineqarpoq

Aamma atuaruk