AWG2016 Kunngissap Frederiup David Manumina Qaanaameersoq nuannareqaa
Tikeraat peqataasullu ilaatigut tivanermik, nipilersornermik allatigullu kulturikkut takutitsinikkut aallarnisarneqarluni.
Kalaallit Nunaanni peqataasut nuannaaqisut saniatigut issittumi allaneersut peqatigalugit Naalakkersuisunut siulittaasoq Kim Kielsenip AWG 2016 najuuffigaattaaq, kiisalu naalakkersuisunut ilaasortaq Nivi Olsen kultureqarnermullu ministeri Bertel Haarder.
Tikeraarli pingaarnersaasoq soorunami Kunngissaq Frederik tusagassiortutta apersulaassallugu iluatsippaa aperaalu unnussiorluarsimanersoq.
- Isumaqarpunga ajunngitsumik ingerlasoq. Nunap kangianiit kitaanut avannaaneersullu tamaasa peqataatinneqarneri pitsaviuvoq.
Suna nuannernerpaava?
- Ilaatigut isumaqarpunga David Qaanaameersup tivanera ajunngilluinnartumik ingerlasoq, taanna nuannarivara. Isumaqarpungali aamma Small Time Giants takutitsilluartut.
Ullut tullii Nuumminnginnissat ugguaatigaajuk?
- Aqagu unnukkut aallassaanga, annikitsumik biatlon aammalu futsal angumerilaassavakka isiginnaariassamaarlugit qilanaareqaakkalu, Kunngissaq nuannaarluni KNR-imut oqarpoq.
