ASSIT Kunngikkormiut OL-ertoqarneranut malinnaajartortut
Kunngikkormiut arlallit Rio de Janeiroimi Ol-ertoqarneranut ullumi tallimanngornermi pisortatigoortumik ammaanersiorneqartussamut malinnaajartorput.
Timersornermik nuannarisalik Kunngissaq Frederik Nuummi AWG2016 ingerlanneqarmat aamma najuuppoq. Maanna Rio de Janeiromi OL-ertoqarneranut malinnaavoq
Allattoq Kenneth Elkjær
aggustip 05-at 2016 04:48
Nutserisoq Simon Uldum -
Prins Joachim ilaquttani tamaasa ilagai, aamma kunngissaq nulialu Brasiliami illoqarfiit pingaarnersaannut OL-ip ingerlanneqarfissanut tikissimapput. Kunngikkormiullu unammiuaarnerit suli aallartinngitsut sammisaqareersimapput. Ilaatigut Kunngikkormiut instagramimi qupperneratigut assinik saqqummiussillattarput, taakkulu allaaserisap ataani takuneqarsinnaapput.
Kunngikkormiut danskit Brasiliami 200 milioninik innuttaasoqartumi inuussutissarsiornikkut, kulturikkut, timersornikkut takornariaqarnikkullu nittarsaassinissaannut peqataaniarlutik Brasiliamiipput. Danskit inuussutissarsiornikkut nittarsaassinerat Rio de Janeiromi Den Danske Pavillonimi pingasunngormat pisortaqatigoortumik ammaanersiorneqarmat aamma peqataapput.
Kunngissaq Frederik danskit inuussutissarsiornikkut nittarsaassinerannut peqataaginnarani aamma Olympiadep ataatsimiititaliarsuanut ilaasortatut aaqqissuussinernut pisortatigoortunut peqataassaaq, ilaatigullu nulianilu ataatsimiititaliarsuup Rio de Janeiromi ataatsimeersuarneranut marlunngormat peqataavoq.
Rio de Janeiromi OL-ertoqarnera ullumi tallimanngornermi aggustip tallimaani pisortatigoortumik ammaanersiorneqarpoq.
