Assi: Bill Abbott/Flickr

Kunngi ukiuni 21-ni isertortumik timmisartortartuusoq

Hollandimi timmisartortitseqatigiiffik, KLM, imminut "Royal Dutch Airlinesimik" taagorpoq. Taaguullu taanna eqqortuuvoq.

Hollandimimi kunngi, Willem-Alexander timmisartortitseqatigiiffimmi isertorluni aquttup aappaattut ukiuni 21-ni sulivoq.

Kunngi aviisimut De Telegraafimut apersorneqarluni taama oqaluttuarpoq.

Kunngip suliffini aliikkutatut sammisamik taavaa, kunngitullu pisussaaffeqarnerminit qasuersarniarluni qaammammut marloriarluni timmisartortitseqataasarpoq.

- Tamakkiisumik aalluttariaqakkannik sammisaqarnissara pingaartippara. Timmisartortitseqataaguma timmisartumut, ilaasuinut inuttaanullu akisussaassuseqarpunga, kunngi Willem-Alexander De Telegraafimut oqarpoq.

Peqqarniisaarniat USA-mut septembarip aqqarngani 2001-imi saassussinerata kinguneranik timmisartut aquttarfiinut isersinnaaneq killeqalerpoq. Taamaammat timmisartunut ilaasut kunngimik aquttoqarlutik takusinnaasanngilaat.

- Iluaqutaa tassaavoq, timmisartut naalagaat sinnerlugu ilaasunik uummammik pisumik tikilluaqqusisinnaagama, kunngi De Telegraafimut oqarpoq, nangillunilu.

- Taava atiga taasariaqanngilara. Ilaasulli amerlanerit tusarnaarneq ajorpaannga, kunngi oqarpoq.

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!