AWG2016 Kulturikkut pikialaartitsisut aamma ujaminnatsinneqarput
Alberta Northip, Alaskap, Sapmip, Nunavup, Nunaviup, Yukonip, Northwest Territoriesip, Yamalip Kalaallit Nunaatalu kulturikkut pikialaartitsinermi peqataatitaat qitinnermik takutitsipput, erinnanik assigiinngitsunik tusarnaartitsillutik, torlorsorlutik, assigiinngitsunik isiginnaartitsillutik, joikerlutik, inngerlunilu agiartoqarluni assigiinngitsunillu allanik aamma aliikkusersuisoqarluni.
Arctic Winter Games 2016 Gallashow naammassilermat unammiuaarnerni kultureqarnermik aqutsisoq Ruth Montgomery-Andersen kultureqarnermut ujamimik kulturmedaljonimik tunniussivoq. Ujamiliaq patruuninik katersukkanit sanaajvoq, Nuummi piniartut akornanni katersat medaljoniliarineqarlutik.
Aamma atuaruk Kulturikkut pikialaartitsinerni aamma ujaminnatsinniarneqarput
Kulturmedaljoni Qilaatitut ilusilersugaavoq, eqqumiitsuliortumillu Camilla Nielsenimit ilusilersugaavoq, Nuumi sanaluttartunit Palle Møllerimit Peter Harderimillu ikiorneqarluni.
Eqqumiitsuliortut taakku piniartut siorna maajimi kajumissaaruteqarfigaat, patruuninik atoriikkanik katerseqqullugit, taamaaliornikkut ujammit kulturikkut pikialaartitsinermi tunniunneqartussat katillugit 100-t sananeqarsinnaaniassammata.
