Kukkunersiorneqalerput

Naalakkersuisunut ilaasortat ilassinninnermut aningaasat atorsimasaat, kukkunersiuisarfiup Deloitte –p misissussagai, Naalakkersuisut siulittaasuat Hans Enoksen aaliangerpoq.

Namminersornerullutik Oqartussat pisortaanerat Kaj Kleist naapertorlugu Deloitte-ip, tassa Namminersornerullutik Oqartussat kukkunersiuisartutut attartortagaata, misissuinissaa aggustusip naanerata tungaanut killilerneqarsimavoq.

Naalakkersuisunut ilaasortat tamaasa ilassinninnermut aningaasartuutigisimasaasa uppernarsaataat kukkunersiuisartut misissussavaat. Tassalu uppernarsaatit 2004 –meersut tamaasa ukioq mannalu juni tikillugu uppernarsaatit.

Naalakkersuisunut ilaasortaasimasup Jens Napaattuup ilassinninnermut atuivallaarsimanera qaammat kingulleq kikkunnit tamanit ilisimaneqalermat, Naalakkersuisunut ilaasortat allat atuisimanerat pimoorullugu eqqumaffigineqalerpoq.

Kukkunersiuinermut aningaasartuutissattut 100.000 koruunit immikkoortinneqarsimapput.