Kujataanut allakkat kinguaattoorujussuartut
oktobarip 28-at 2004 20:38
Allakkat poortukkallu kujataanukartut, takkuitsoorneqarnermikkut ullut 14-it sinnerlugit apuuffissaminnut apuussimanngitsut, Post Greenlandimit nalunaarutigineqarput. Isumaqatigiissutit malillugit takkuttut siulliit timmisartumut ikineqartartussaagaluarput.
Tele Greenlandimi tusagassiisartoq, Maliinannguaq Marcussen Mølgaard ima nassuiaateqarpoq:
-Post Danmarkip Kastrupimilu allakkanik assartuisartut, timmisartumullu ikioraasartut isumaqatigiissutaat malillugit, allakkat takkuttut siulliit tamatigut siulliullugit ikineqartassasut. Ajoraluartumilli takkuitsoorneqarnermikkut, oktoberip 13-iani ilaasussaagaluartut ilaatinneqanngitsoorsimapput, Maliinannguaq Marcussen Mølgaard ajuusaarluni oqarpoq.
