Assi: KNR

Kujataani suliffiit annaasat kiap akisussaaffigissagai oqallissutaasoq

Kujataani aalisakkat tunisat ikilerujussuarnerat suliffippassuarnik annaasaqarfiuvoq. Tunisalli ikilerujussuarnerannut suna peqqutaanersoq isumaqatigiinngissutaavoq.

Kommune Kujallermi borgmesterip piginneqatigiiffiillu Namminersorlutik Oqartussat kingusinaarlutik aalisagartassiisarnerat isornartorsiorpaat.

Tamannali aalisarnermut naalakkersuisup ilisarisinnaannginnerarpaa:

- Piffissami sivisuumi utaqqinermik oqariartorneq ilisariuminaalaarpoq, Karl Kristian Kruse (S) oqarpoq.

Suliffiit annaaneqartut

Kommune Kujalliup borgmesteria, Kiista P. Isaksen, kujataani suliffiit 90-it missaanniittut annaaneqarnerannut Naalakkersuisut akisussaaqataanerarlugit Qanoruumi marlunngornermi oqarpoq:

- Kommunerput nunatsinni aalisakkatigut isumalluuteqarnerpaat ilagivaat. Aamma oqaatigisariaqarpara Naalakkersuisut saarullinnik ajuusaarnaraluaqisumik piffissaq eqqorlugu pisassiinnginnerat peqqutaalluni maannakkut killiffipput killikatsigu, borgmesteri Kiista P. Isaksen (S) Qanoruumut oqarpoq. 

AAMMA ATUARUK Indhandlingen i Sydgrønland er styrtdykket

AAMMA ATUARUK Arctic Prime Fisheries eqqugaasoq

Tamannali eqqunngitsoq, aalisarnermut naalakkersuisoq isumaqarpoq, nassuiaatigalugulu piginneqatigiiffiit pisassiissutisiassatik pereeraat, taamaattoqarsimanngippallu aalisagartassiinnginnermi piumasaqaataasut naammassisimassanngikkaat.

- Massakkut saarullittassiissutigineqartut kujataani nunami pilersuisussatut naatsorsuutigalugit qinnutigineqarsimasut tunniunneqarnikuupput, naalakkersuisoq oqarpoq, nangillunilu:

- Taava pisortaqarfimmit misissugassarput unaasariaqarpoq;  aalisagartassiissutigineqartut tulaanneqartussaatitaasullu aalisartinneri qanoq ingerlasimanersoq sumillu tunngaveqartumik appariarneq taama annertutigisoq.

Kilisaat amigaataasoq

Piginneqatigiiffik Qaqortoq Fish pisassiissutissarseqqajaavoq aalisarnissaminullu piareersimasoq, KNR-imit oqaatigereerparput.

Karl Kristian Kruselu tamatumunnga ima oqarpoq:

- Aalisagartassaat tunniunneqareernikuupput. Taamaattorlu massakkut uninnganerannut tunngaviusoq unaavoq, angallatissaat suli piareersimanngimmat. Kisianni paasisarput malillugu angallatitaalerput, taava naatsorsuutigaara, angallatitaarunik taanna atorlugu aalisagartassat tunniunneqarsimasut aalisassagaat, aalisarnermut naalakkersuisoq Karl Kristian Kruse oqarpoq.

Qaqortoq Fiship kilisaataataani teknikkimut tunngasut iluarsineqareerpata angallat pisortanit akuerineqarsinnaalissasoq, pigineqatigiiffiup pisortaa, Gerhardt Petersen, KNR-imut paasissutisseereerpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!