Kujataani nipisanniarneq ataasinngorpat aallartissaaq
Aqutsiveqarfimmi nipisat pisassiissutigineqartut 114 tonsiupput, Nunatta kitaata aqutsiveqarfiini arfineq-marluusuni nipisat katillugit 1.500 tonsit pisassiissutigineqarlutik.
Aqutsiveqarfimmi 1F-mi ulloq tunisiffissaq kingulleq tassaassaaq maajip 20-at, pisassiissutit tamakkerlugit ulloq taanna nallertinnagu aalisarneqarsimanngippata, Naalakkersuisut tusagassiorfinnut nalunaaruteqarlutik taama erseqqissaapput.
Pisassiissutit tamakkerlugit aalisarneqarsimalerpata nalunaarutigineqassaaq. Pisassiissutit tamakkerlugit aalisarneqanngippata aqutsiveqarfinni allani aalisarneqarsinnaasunngorlugit pineqassapput.