Naalakkersuisoq: Kujalleq tusaaneqarpoq
Angallassinissanik taamaatitsisariaqarnerni kinguaattoornernilu uninngatitaanerup kimit akilerneqarnissaa pillugu kiffartuussinissamik isumaqatigiissutigineqartuni allassimasoqarnissaa kommunip ilaatigut ujartorpaa.
Aamma atuaruk Kiffartuussinissamik isumaqatigiissutigineqartut Kommune Kujalliup ajorigai
Aamma angallassisut assigiinngitsuugaluartut innuttaasut billetsinik ataasiinnarmit pisiffissaqarnissaanik piumasaqaateqarnissaq kiffartuussinissamik isumaqatigiissutini nutaani kommunip ilaasariaqarsoraa.
Borgmester Jørgen Wæver Johansen aamma inuussutissarsiornermut ataatsimiititaliap siulittaasua, Simon Simonsen, tusagassiorfinnut nalunaaruteqarlutik taama allapput.
Aamma atuaruk Innuttaasut kiffartuussinissamik isumaqatigiissutinut akerliullutik iliuuseqalersut
Tamatumunngalu peqatigitillugu kiffartuussinissamik isumaqatigiissutit isumaqatigiinniutigineqarneri komminip akuutinneqarsimannginnera naammaginartinnagu naqissuserpaat.
Borgmesterillu taamatut oqarnera naalakkersuisup Knud Kristiansenip pissutissaqarsorinngilaa.
- Kommune Kujallermi borgmesterip suliamik ingerlatsinermi naammattumik peqataatinneqarsimannginnermik misigisimanera tusarlugu tupigusuutigaara. Kommune Kujalliup nunap immikkoortuani immakkut angallassinerup annertusarneqarnissaanik kissaateqarnera pingaartittorujussuunikuuara - kissaat sullissinissamut isumaqatigiissutit pillugit 2015-ip ingerlanerani ataatsimiittarnerni ilaatigut borgmesterimit saqqummiunneqartoq.
Aamma atuaruk Air Greenlandimi sulisut 45-t soraarsinneqassasut
Attaveqaqatigiinnermut naalakkersuisoq tusagassiuutinut nalunaarummi ullumikkut taama allappoq, erseqqissaatigalugulu Kujataani angalasut sullinneqarnerat pitsaanerulersinneqartoq.
- Tamanna pivoq marloqiusamik angallannermi aaqqissuussinerup atuutilersinneqarnera pissutigalugu, tassani suli pissutigalugu pilersaarutigineqartutut angallassisoqarsinnaanngippat Diskoline allatut iliuusissamik neqerooruteqarluni, naalakkersuisoq allappoq.
