Kujalleq Qaasuitsorlu nakkutigineqartut
Aappaa tassaavoq Kommune Kujalleq, Namminersorlutik Oqartussanut taarsigassarsiaminik akiliisinnaannginnera pissutigalugu ukiormanna januaarip aallaqqaataaniilli sukannersumik nakkutigineqalersoq.
Taarsigassarsiat utertinnissaannut piffissaliussaq Namminersorlutik Oqartussat sukannersumik nakkutilliinermut atatillugu sivitsorpaat.
AAMMA ATUARUK Kommune Kujallermi aningaasatigut ingerlatsineq ajortumik ingerlavoq
Kommunip aningaasaqarnikkut pitsaanngitsumik inissisimasup aappaa tassaavoq Qaasuitsup Kommunia, ukiormanna apriilip qaammataani sukannersumik nakkutigineqalersoq.
Qaasuitsup Kommuniata aningaasanik atuisinnaatitaanerminik annikillisaasinissamik Namminersorlutik Oqartussanut isumaqatigiissutini naammassisinnaasimanngilaa.
Aningaasanik atuisinnaatitaanermik annikillisaanissamut piffissaliussaq Namminersorlutik Oqartussat sukannersumik nakkutilliilernerinut atatillugu aamma sivitsorneqarpoq.
AAMMA ATUARUK Qaasuitsup Kommunia sukannersumik nakkutigisaalerpoq
Kommunit Namminersorlutik Oqartussanit sukannersumik nakkutigineqartut pillugit paasissutissat Naalakkersuisut siulittaasuata Kim Kielsenip parteeqatimi Jens Immanuelsenip §37 naapertorlugu apeqquteqataanut akissutaaneersuupput.
