Karl-Kristian Kruse, Maj 2015.Assi: Nauja Møller, KNR

Kruse kisitsisit akerliliigaluartut suliffissaqarnerutitsiniartoq

Naalakkersuisut aalisarnermut inatsimmi nutaami suliffissanik pilersitserusupput, naalakkersuisulli naalakkersuisoqarfiup nammineq kisitaanit akilerlilerneqarpoq.

Naalakkersuisut aalisarnermut inatsisissatut siunnersuutaat nutaaq inatsisartut nittartagaanut ikkunneqarpoq, siunnerluutillu oqaaseqaataani inatsit nutaat nunatta karsiata isaatitaanut akisussasoq, nunatsinnilu tunisat ataatsimut nalingat appassasoq inerniliissutaavoq.

Tamatuma saniatigut Namminersorlutik Oqartussat umiarsuaateqarfinnut 2 milliardit koruunit tikillugit taarsigassaqalersinnaasut, Copenhagen Economicsip nalilipaa.

Aalisarnermut naalakkersuisup, Karl Kristian Krusep saqqummiussamini nassuiaavoq, Naalakkersuisut nakimatik isumaqartut inatsit aalisarnermi suliffissaqartitsinerulissasoq.

Saqqummiussaq naapertorlugu anguniakkap angunissaanut raajartassiissutit nunatta kimmut sineriaani avataasiortunut sinerissallu qanittuani aalisartunut agguaateqqissaarnissaat pingaaruteqarpoq.

50/50-imik agguaassineq januaarip aallaqqaataa 2024 atuutilissaaq:

- Sinerissap qanittuani aalisarnerup nukittorsaavigineratigut aalisariutini mikinerusuni nunamilu pisanik suliarinniffiusuni sulisussanik amerlanerusunik pisariaqartitsisoqalernissaa Naalakkersuisut naatsorsuutigaat, Karl Kristian Kruse saqqummiussami allappoq.

Saqqummiussamittaaq kingusinnerusukkut allassimavoq, suliffissaqartitsineruniarnermut anguniagaq kisitsisinit taperserneqanngitsoq:

- Aakusarnermi suliffeqartitsineq annertusissaaq, piffissamilu sivikitsumi suliffissaaleqineq annikilleriartoq misigisinnaassavarput. Taamaattorli inatsisissatut siunnersuutip malitsigisaanik piffissami sivisunerusumi tamakkiisutut suliffeqartitsineq appariassaaq, tamatuma isertitat annikinnerusut nassatarissallugu, Karl Kristian Kruse allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!