Kristian Jensenip Obama Nunatsinnut qaaqqugaa
Issittoq pillugu Alaskami Anchoragemi ataatsimeersuartoqarnerani nunanut allanut tunngasunut ministeri amerikamiut præsidentiata sivikitsumik oqalutiginissaanut periarfissinneqarami, iluatsillugu Nunatsinnut tikeraarnissaanik toqqaannartumik qaaqquaa.
- Sivikitsumik nikorfaqatiginerani oqarfigaara 'nalunngilara arlaleriarlutit Danmarkimiittartutit, kisianni Kalaallit Nunaanniinnikuuit?'
- Kalaallit Nunaanniissimanani akimmat oqarfigaara tikeraartariaqaraluartoq, Kalaallit Nunaannimi sermip aakkiartornera annertunerpaavoq imavissuillu qaffasissusaannut toqqaannartumik sunniuteqarluni, Kristian Jensen Politikenimut taama oqarpoq.